Падзеі

Рыжанкоў расказаў, як у Беларусь з "паспяховай Еўропы" бягуць дзясяткі тысяч украінцаў

Скрыншот відэа ААН

29 верасня, Мінск /Кар. БЕЛТА/. Міністр замежных спраў Беларусі ў сваім выступленні ў ААН расказаў, як у Беларусь з "паспяховай Еўропы" бягуць дзясяткі тысяч украінцаў, перадае карэспандэнт БЕЛТА.

"Толькі праз нашу граніцу з ЕС з моманту пачатку канфлікту ў Беларусь перамясцілася больш за 250 тыс. украінцаў. Апошнім часам - 12-15 тыс. у месяц. Гэта афіцыйныя лічбы пагранслужбы. Вось так з "паспяховай Еўропы" сёння бягуць. Бягуць відавочна не да "агрэсара". Дарэчы, гэта колькасць у разы большая, чым колькасць бежанцаў праз нашу граніцу ў ЕС", - заявіў міністр.

Ён падкрэсліў, што бессаромныя выштурхоўванні ў Беларусь мігрантаў - гэта яшчэ адна брудная старонка ў кнізе еўрапейскай "дэмакратыі". "Так, на нашай граніцы з ЕС ваенныя некаторых краін Еўрапейскага саюза беспакарана збіваюць, катуюць тысячы бежанцаў з краін Азіі, Афрыкі і Блізкага Усходу. Дзясяткі з іх забіты, што, дарэчы, фіксуецца міжнароднымі незалежнымі крыніцамі. Многія пахаваны нават без асабістых даных. Іх няма", - сказаў кіраўнік МЗС.

Ён нагадаў, што Савет Еўропы зусім нядаўна адназначна асудзіў такія дзеянні. Акрамя таго, раскрытыкаваў новы закон Польшчы, які пашырае спектр легальнага прымянення агнястрэльнай зброі польскімі ваеннаслужачымі адносна бежанцаў.

"Вось так сустракае "адукаваная Еўропа" тых, хто бяжыць ад жахаў і ўзрушэнняў, якія сталі вынікам палітыкі і ўмяшання калектыўнага Захаду ў суверэнныя справы замежных краін, - заўважыў Максім Рыжанкоў. - Здзекі над бежанцамі з'яўляюцца недапушчальным парушэннем Канвенцыі ААН 1951 года аб статусе бежанцаў. Усе факты намі дэталёва запратакаліраваны, у хуткім часе будуць накіраваны ў адпаведныя міжнародныя інстанцыі. Хоць гэтыя інстацыі самі павінны былі даўно заняцца гэтым пытаннем".

версія для друку

зрабіць стартавай

дабавіць у выбранае