Падзеі
Рэйндэрс бачыць перспектывы для спрашчэння візавага рэжыму Беларусі з ЕС
15 сакавіка, Мінск /Уладзімір Мацвееў - БЕЛТА/. Намеснік прэм'ер-міністра - міністр замежных спраў Бельгіі Дзідзье Рэйндэрс бачыць перспектывы для спрашчэння візавага рэжыму Беларусі з ЕС. Аб гэтым ён заявіў па выніках перагавораў з міністрам замежных спраў Беларусі Уладзімірам Макеем, перадае карэспандэнт БЕЛТА.
"Вельмі важна дэманстраваць новыя станоўчыя крокі ў сферы вяршэнства закону ў Беларусі для прадаўжэння дыялогу. Гэта можа прывесці да далейшага станоўчага руху ў рэчышчы развіцця нашых адносін па такіх пытаннях, як спрашчэнне візавага рэжыму", - сказаў Дзідзье Рэйндэрс.
Ён вітаў, што Беларусь пачынае адыгрываць усё больш значную ролю на рэгіянальным і міжнародным узроўнях. "Мы рады бачыць, што ў Беларусі была арганізавана вялікая колькасць шматбаковых дыскусій па рэгіянальных пытаннях. Зноў-такі, гэта працэс перагавораў па Мінскіх пагадненнях. Мы разумеем, што іх правядзенне звязана з пэўнымі складанасцямі, - адзначыў віцэ-прэм'ер Бельгіі. - Мы таксама вітаем узрастаючую ролю Беларусі ва "Усходнім партнёрстве".
версія для друку
зрабіць стартавай
дабавіць у выбранае