Падзеі
Рэалізацыю ў Беларусі праектаў тэхнічнай дапамогі ЕС разгледзелі ў МЗС
26 красавіка, Мінск /Аліна Грышкевіч - БЕЛТА/. Міністр замежных спраў Уладзімір Макей сёння сустрэўся з кіруючым дырэктарам Еўрапейскай службы знешніх дзеянняў па справах Еўропы і Цэнтральнай Азіі Томасам Маер-Хартынгам. Аб гэтым БЕЛТА паведамілі ў прэс-службе знешнепалітычнага ведамства.
Томас Маер-Хартынг знаходзіцца ў краіне на чале дэлегацыі Еўрапейскага саюза, якая ўдзельнічае ў пятым пасяджэнні Каардынацыйнай групы Беларусь-ЕС, якое праходзіць 26-27 красавіка. Удзельнікі сустрэчы абмеркавалі бягучы стан двухбаковых адносін, удзел Беларусі ў ініцыятыве ЕС "Усходняе партнёрства", рэалізацыю ў Беларусі праектаў міжнароднай тэхнічнай дапамогі Еўрапейскага саюза.
Уладзімір Макей і Томас Маер-Хартынг таксама ўдзялілі ўвагу сітуацыі ва ўсходнееўрапейскім рэгіёне і перспектывам узаемадзеяння ў пытаннях правоў чалавека.
версія для друку
зрабіць стартавай
дабавіць у выбранае