Падзеі

Расія здымае ўсе абмежаванні на перамяшчэнне грамадзян у адносінах да Беларусі

Фота з архiва

17 сакавіка, Масква /Эдуард Півавар - БЕЛТА/. Расія здымае ўсе абмежаванні ў адносінах да Беларусі на перамяшчэнне грамадзян. Аб гэтым заявіў прэм'ер-міністр РФ Міхаіл Мішусцін, паведамляе БЕЛТА.

"З нуля гадзін па маскоўскім часе 18 сакавіка здымаюцца ўсе абмежаванні на перамяшчэнне грамадзян у рамках Саюзнай дзяржавы Расіі і Беларусі, - сказаў Міхаіл Мішусцін сёння на пасяджэнні ўрада РФ. - Аб гэтым мы гаварылі з прэм'ер-міністрам Раманам Аляксандравічам Галоўчанкам у пачатку тыдня ў Маскве і ўзгаднілі з прэзідэнтам гэта рашэнне".

"Свабода перамяшчэння людзей важна з пункту гледжання развіцця гандлёва-эканамічнага супрацоўніцтва і гуманітарных кантактаў паміж нашымі брацкімі народамі. Сёння гэта асабліва актуальна ва ўмовах узмацнення абмежаванняў з боку недружалюбных краін", - адзначыў прэм'ер-міністр РФ.

"Перакананы, што ўмацаванне інтэграцыі ў Саюзнай дзяржаве стане лепшым адказам на санкцыйны прэсінг супраць Расіі і Беларусі", - падкрэсліў Міхаіл Мішусцін.

версія для друку

зрабіць стартавай

дабавіць у выбранае