Падзеі

12 кастрычніка, Магілёў /Кар. БЕЛТА/. Прэзідэнт Расіі Уладзімір Пуцін прыбыў у Магілёў для ўдзелу ў V Форуме рэгіёнаў Беларусі і Расіі. Борт кіраўніка расійскай дзяржавы прызямліўся ў міжнародным аэрапорце абласнога цэнтра, перадае карэспандэнт БЕЛТА.

Уладзіміра Пуціна сустрэў Прэзідэнт Беларусі Аляксандр Лукашэнка. Пасля цырымоніі сустрэчы кіраўнікі дзяржаў накіраваліся да месца правядзення пленарнага пасяджэння Форуму рэгіёнаў. Мерапрыемства прысвечана прыярытэтным напрамкам развіцця рэгіянальнага супрацоўніцтва як ключавога фактару інтэграцыі і саюзнага будаўніцтва.

Перад ім прэзідэнты правядуць асабістую сустрэчу, у час якой абмяркуюць найбольш актуальныя пытанні беларуска-расійскіх адносін.

Праграма знаходжання Уладзіміра Пуціна ў Беларусі таксама ўключае магчымасці для нефармальнай сустрэчы кіраўнікоў дзяржаў.