Падзеі

Прэзідэнт: супраць Беларусі развязалі інфармацыйную вайну, учыняюцца палітычныя правакацыі

30 снежня, Мінск /Кар. БЕЛТА/. Беларусі пагражаюць не толькі ўвядзеннем новых эканамічных санкцый, супраць краіны развязалі сапраўдную інфармацыйную вайну, пастаянна ўчыняюцца палітычныя правакацыі. Аб гэтым Прэзідэнт Беларусі Аляксандр Лукашэнка заявіў сёння, выступаючы пры наведванні АМАПа ГУУС Мінгарвыканкама, перадае карэспандэнт БЕЛТА.

"Свет імкліва змяняецца, становіцца ўсё менш бяспечным для жыцця нармальнага чалавека, а шэраг дзяржаў і зусім акунуўся ў бездань грамадзянскіх войнаў і міжнацыянальных канфліктаў. Вам гэта не проста вядома, мы з вамі гэта адчулі на сабе. Каля нашых заходніх і паўночных граніц ідзе пастаяннае нарошчванне ваеннага патэнцыялу. Польшча і краіны Прыбалтыкі сталі палігонамі для рэгулярных вучэнняў і трэніровак войскаў НАТА. Нам пагражаюць не толькі ўвядзеннем новых эканамічных санкцый, супраць нас развязалі сапраўдную інфармацыйную вайну, пастаянна ўчыняюцца палітычныя правакацыі", - заявіў кіраўнік дзяржавы.

Ён адзначыў, што час прайшоў, страсці хоць крыху ўлягліся, і людзі на свае вочы ўбачылі, хто рваўся да ўлады. "Вядучую ролю ў арганізацыі вулічных беспарадкаў адыгрываюць замежныя лялечнікі і іх памагатыя-калабарацыяністы, якія не змаглі інакш паказаць сваю хоць нейкую палітычную значнасць. Мы ўжо з вамі бачылі такіх у кадрах нямецкай кінахронікі, якія захоплена маршыруюць з БЧБ-сцягамі і партрэтамі фюрэра", - сказаў Аляксандр Лукашэнка.

Прэзідэнт канстатаваў, што, нягледзячы на вялікія фінансавыя ўліванні, прамы замежны ўдзел у арганізацыі пратэсных акцый і падрыхтоўцы радыкальных элементаў, спроба адрадзіць падобнае ў нашы дні фактычна захліпнулася па простай прычыне: "Немагчыма гераізацыя нацызму ў краіне, якая страціла кожнага трэцяга свайго грамадзяніна".

версія для друку

зрабіць стартавай

дабавіць у выбранае