Падзеі

Прэзідэнт Кыргызстана адным з прыярытэтаў супрацоўніцтва з Беларуссю назваў прамкааперацыю

Фота МЗС

10 верасня, Мінск /Кар. БЕЛТА/. Надзвычайны і Паўнамоцны Пасол Беларусі ў Кыргызстане Сяргей Малуноў 10 верасня ўручыў даверчыя граматы Прэзідэнту Кыргызстана Садыру Жапараву. Аб гэтым карэспандэнту БЕЛТА расказалі ў прэс-службе беларускага знешнепалітычнага ведамства.

Прэзідэнт Кыргызстана падкрэсліў, што пасол Беларусі з'яўляецца першым, хто ўручае даверчыя граматы ў новай рэзідэнцыі "Ынтымак ардо", што сімвалізуе высокі ўзровень адносін паміж дзвюма дзяржавамі.

Адным з прыярытэтных напрамкаў супрацоўніцтва Кыргызстана з Беларуссю Садыр Жапараў назваў прамысловую кааперацыю, адзначыўшы таксама неабходнасць пашырэння ўзаемадзеяння ў шэрагу іншых галін.

У сваю чаргу Сяргей Малуноў падкрэсліў гатоўнасць Беларусі да больш цеснага партнёрства з Кыргызстанам ва ўсіх сферах двухбаковага супрацоўніцтва.

версія для друку

зрабіць стартавай

дабавіць у выбранае