Падзеі
Прэзідэнт Грузіі прыбыў з афіцыйным візітам у Беларусь
28 лютага, Мінск /Кар. БЕЛТА/. Прэзідэнт Грузіі Георгій Маргвелашвілі прыбыў з афіцыйным візітам у Беларусь. Самалёт грузінскага лідара вечарам 28 лютага зрабіў пасадку ў Нацыянальным аэрапорце Мінск, перадае карэспандэнт БЕЛТА.
Як паведамлялася, афіцыйныя перагаворы Прэзідэнта Беларусі Аляксандра Лукашэнкі і Прэзідэнта Грузіі Георгія Маргвелашвілі адбудуцца 1 сакавіка ў Палацы Незалежнасці.
Кіраўнікі дзяржаў правядуць перагаворы ў фармаце сам-насам, а таксама ў пашыраным складзе з удзелам членаў дэлегацый. Бакі абмяркуюць шырокі комплекс пытанняў развіцця двухбаковага супрацоўніцтва, асаблівая ўвага будзе ўдзелена актывізацыі гандлёва-эканамічнага ўзаемадзеяння. Па выніках перагавораў чакаецца падпісанне шэрага двухбаковых дакументаў.
Праграмай афіцыйнага візіту Прэзідэнта Грузіі таксама прадугледжаны сустрэчы з кіраўніцтвам урада Беларусі, Нацыянальнага сходу, наведванне арганізацый і сацыякультурных аб'ектаў.
версія для друку
зрабіць стартавай
дабавіць у выбранае