Падзеі
Прэзідэнт ЕБРР задаволены рэалізацыяй сумесных з Беларуссю праектаў
18 лютага, Мінск /Кар. БЕЛТА/. Прэзідэнт Еўрапейскага банка рэканструкцыі і развіцця (ЕБРР) Сума Чакрабарці задаволены ходам рэалізацыі сумесных з Беларуссю праектаў. Аб гэтым ён заявіў сёння ў час сустрэчы з міністрам замежных спраў Беларусі Уладзімірам Макеем у Мінску, паведамілі БЕЛТА ў прэс-службе беларускага знешнепалітычнага ведамства.
"У час сустрэчы бакі прадметна абмеркавалі ход і перспектывы ажыццяўлення Стратэгіі ЕБРР для Беларусі, а таксама далейшыя крокі па паглыбленні ўзаемнага супрацоўніцтва для стварэння новых кропак росту і нарошчвання стабільнасці ва Усходне-Еўрапейскім рэгіёне", - расказалі ў прэс-службе.
Уладзімір Макей адзначыў істотнае павелічэнне аб'ёмаў фінансавання банкам праектаў у Беларусі на працягу апошніх гадоў. Прэзідэнт ЕБРР у сваю чаргу выказаў задавальненне ходам рэалізацыі сумесных праектаў і высока ацаніў ролю Беларусі ва ўрэгуляванні крызісу ва Украіне.
версія для друку
зрабіць стартавай
дабавіць у выбранае