Падзеі

15 жніўня, Мінск /Кар. БЕЛТА/. Прэм'ер-міністр Афганістана Абдула Абдула прыбыў з афіцыйным візітам у Беларусь, які прадоўжыцца да 17 жніўня, перадае карэспандэнт БЕЛТА.

У Нацыянальным аэрапорце Мінск кіраўніка выканаўчай улады Афганістана сустракалі міністр прамысловасці Беларусі Віталь Воўк, Надзвычайны і Паўнамоцны Пасол Беларусі ў Таджыкістане і Афганістане па сумяшчальніцтве Алег Іваноў, Надзвычайны і Паўнамоцны Пасол Афганістана ў Расіі і Беларусі па сумяшчальніцтве Абдул Каюм Качай.

У час афіцыйнага візіту ў Беларусь Абдула Абдула правядзе перагаворы з прэм'ер-міністрам Андрэем Кабяковым, па выніках якіх будуць падпісаны міжнародныя дакументы. Ён таксама наведае шэраг прадпрыемстваў: МТЗ, МАЗ, ААТ "Амкадор", "БелОМА - ММЗ імя С.І.Вавілава", азнаёміцца з работай агракамбіната "Дзяржынскі".

Напярэдадні адбылася сустрэча намесніка міністра замежных спраў Беларусі Валянціна Рыбакова з Надзвычайным і Паўнамоцным Паслом Афганістана Абдулам Каюмам Качаем з нагоды ўручэння ім копій даверчых грамат. Бакі абмеркавалі перспектывы актывізацыі двухбаковага ўзаемадзеяння па шырокім спектры напрамкаў, абмен візітамі на розных узроўнях. Асаблівая ўвага ўдзелена развіццю беларуска-афганскіх адносін у палітычнай і гандлёва-эканамічнай сферах.