Падзеі

Праектную дзейнасць агенцтваў ААН у Беларусі ва ўмовах санкцыйнай палітыкі абмеркавалі на сустрэчы ў МЗС

Фота МЗС Беларусі

20 кастрычніка, Мінск /Кар. БЕЛТА/. Начальнік галоўнага ўпраўлення шматбаковай дыпламатыі Міністэрства замежных спраў Беларусі Ірына Вялічка 20 кастрычніка сустрэлася з кіраўніцтвам прадстаўніцтваў ПРААН, ЮНІСЕФ, ЮНФПА і СААЗ, акрэдытаваных у Беларусі. Аб гэтым БЕЛТА паведамілі ў прэс-службе МЗС Беларусі.

Удзельнікі абмеркавалі праектную дзейнасць агенцтваў ААН у Беларусі, у тым ліку ва ўмовах санкцыйнай палітыкі з боку заходніх краін. Разгледжаны таксама ход рэалізацыі і перспектывы супрацоўніцтва па імплементацыі праектаў, накіраваных на выкананне Беларуссю Мэт устойлівага развіцця (МУР) у адпаведнасці з Парадкам дня ААН у галіне ўстойлівага развіцця на перыяд да 2030 года.

Пацверджана неабходнасць захавання і падтрымання нацыянальнай архітэктуры па выкананні МУР у Беларусі, а таксама дасягнута дамоўленасць актывізаваць сумесную работу на гэтым напрамку.

версія для друку

зрабіць стартавай

дабавіць у выбранае