Падзеі

У складзе дэлегацыі амаль 30 журналістаў, якія прадстаўляюць рэспубліканскія і рэгіянальныя тэлеканалы і друкаваныя выданні. Геаграфія СМІ, у якіх яны працуюць, вельмі шырокая. У прыватнасці, акрамя Кіева будуць прадстаўлены Львоўская, Кіраваградская, Чаркаская, Палтаўская, Данецкая і шэраг іншых абласцей.

Мэта паездкі - знаёмства з паўднёва-ўсходнім рэгіёнам Беларусі. У праграме прэс-туру: наведванне шэрага прамысловых прадпрыемстваў і аб'ектаў сацыяльнай інфраструктуры. Напрыклад, госці з Украіны пабываюць у ААТ "Камінтэрн", ДУ "Рэспубліканскі навукова-практычны цэнтр радыяцыйнай медыцыны і экалогіі чалавека", азнаёмяцца з адметнасцямі гомельскага палацава-паркавага ансамбля. Запланавана таксама сустрэча з кіраўніцтвам аблвыканкама і калектывам вядучай абласной газеты "Гомельская правда".