Падзеі

Пяскоў назваў дыялог прэзідэнтаў Беларусі і Расіі вельмі даверным

Дзмітрый Пяскоў. Фота ТАСС

21 верасня, Масква /БЕЛТА - ТАСС/. Прэс-сакратар Прэзідэнта Расіі Дзмітрый Пяскоў ахарактарызаваў дыялог прэзідэнтаў Беларусі і Расіі Аляксандра Лукашэнкі і Уладзіміра Пуціна як вельмі даверны.

"Дыялог гэты даверны і разам з тым ён вельмі прадметны. Таму што і той, і другі разбіраюцца ў дэталях двухбаковых адносін", - сказаў Дзмітрый Пяскоў у эфіры праграмы "Масква. Крэмль. Пуцін", фрагмент якой быў паказаны ў праграме "Весці тыдня" на тэлеканале "Расія-1".

Ён адзначыў, што Пуцін і Лукашэнка "маюць даўнюю гісторыю свайго дыялогу". Пяскоў нагадаў, што сустрэчы   прэзідэнтаў заўсёды папярэднічаюць перагаворы дэлегацый дзвюх краін. "Таму дэталі (сустрэчы Пуціна і Лукашэнкі ў Маскве. - Заўвага БЕЛТА) усе былі падрыхтаваны і ўсе былі прапрацаваны для таго, каб ужо прэзідэнты абмеркавалі іх на вышэйшым узроўні", - растлумачыў ён.

Дзмітрый Пяскоў дадаў, што ўзровень даверу і павагі паміж Расіяй і Беларуссю гарантуе абсалютнае неўмяшанне ў справы адзін аднаго. "У нас Саюзная дзяржава, мы бліжэйшыя саюзнікі, і ўзровень узаемнага даверу, узаемнай павагі з аднаго боку гарантуе абсалютнае неўмяшанне ва ўнутраныя справы адзін аднаго, што неаднаразова дэманстравалася Прэзідэнтам Пуціным", - сказаў ён.

З другога боку, падкрэсліў прадстаўнік Крамля, гэта дае магчымасць прэзідэнтам адкрыта абмяняцца думкамі па найбольш актуальных пытаннях. "Вядома ж, падзеі апошніх тыдняў у Беларусі не маглі не закранацца. Акрамя таго, мы ведаем ініцыятыву Прэзідэнта Лукашэнкі аб правядзенні канстытуцыйнай рэформы, аб запуску адпаведнага працэсу, і гэта тэматыка таксама закраналася, і гэта ініцыятыва таксама была падтрымана Прэзідэнтам Пуціным", - нагадаў Дзмітрый Пяскоў па выніках праведзеных перагавораў лідараў дзвюх краін.

У Сочы 14 верасня прайшлі перагаворы Пуціна і Лукашэнкі, абмяркоўваліся ключавыя тэмы двухбаковых адносін. Перагаворы праходзілі ў асноўным тэт-а-тэт і доўжыліся каля чатырох гадзін.

Пяскоў таксама нагадаў, што прэзідэнты РФ і Беларусі Уладзімір Пуцін і Аляксандр Лукашэнка па выніках перагавораў у Сочы 14 верасня далі даручэнні кіраўнікам ведамстваў і ключавых галіновых прадпрыемстваў уступіць у прамы кантакт і пачаць абмяркоўваць канкрэтныя сумесныя праекты.

"Па лініі сістэмаўтваральных прадпрыемстваў - наладзіць персанальнае ўзаемадзеянне кіраўнікоў ведамстваў і кіраўнікоў гэтых прадпрыемстваў, менавіта такія даручэнні дадзены па выніках гэтых стасункаў з тым, каб нам спыніць тэндэнцыю спаду ў двухбаковых гандлёва-эканамічных сувязях", - адзначыў прадстаўнік Крамля. Ён падкрэсліў, што менавіта такія сувязі - "аснова адносін" дзвюх краін. "Менавіта дзякуючы гандлёва-эканамічнаму ўзаемадзеянню адносіны становяцца ўзаемавыгаднымі для людзей дзвюх краін, для народаў", - растлумачыў ён.

На перагаворах у Сочы Пуцін канстатаваў, што тавараабарот РФ і Беларусі скараціўся больш як на 21 працэнт з-за неспрыяльнай сусветнай эканамічнай кан'юнктуры, звязанай з пандэміяй каранавіруса. Расійскі лідар прапанаваў прыкласці дадатковыя намаганні, каб пераадолець гэту тэндэнцыю.

версія для друку

зрабіць стартавай

дабавіць у выбранае