Падзеі

23 кастрычніка, Мінск /Кар. БЕЛТА/. Перспектывы развіцця беларуска-амерыканскіх адносін абмеркаваны 20 кастрычніка на сустрэчы намесніка міністра замежных спраў Беларусі Алега Краўчанкі з прэзідэнтам Кворуму дванаццаці апосталаў Царквы Ісуса Хрыста святых апошніх дзён Расэлам Нельсанам. Аб гэтым БЕЛТА паведамілі ў прэс-службе МЗС Беларусі.

"У ходзе сустрэчы абмеркаваны стан і перспектывы развіцця беларуска-амерыканскіх адносін, у тым ліку ў гандлёва-эканамічнай і гуманітарнай сферах, а таксама магчымасці для пашырэння двухбаковага супрацоўніцтва са штатам Юта, дзе размешчана штаб-кватэра Царквы", - адзначылі ў МЗС.

У сустрэчы таксама прыняў удзел прэзідэнт Царквы па рэгіёне Усходняй Еўропы Джэймс Марціна.