Падзеі
Перспектывы паглыблення супрацоўніцтва паміж Беларуссю і ЕС абмеркаваны ў Бруселі
6 снежня, Мінск /Кар. БЕЛТА/. Надзвычайны і Паўнамоцны Пасол Беларусі ў Бельгіі, пастаянны прадстаўнік Беларусі пры Еўрапейскім саюзе Аляксандр Міхневіч уручыў даверчыя граматы старшыні ЕС Дональду Туску і абмеркаваў з ім перспектывы далейшага паглыблення супрацоўніцтва паміж бакамі па шэрагу напрамкаў. Аб гэтым БЕЛТА паведамілі ў прэс-службе МЗС.
"У час сустрэчы бакі абмеркавалі бягучую пазітыўную дынаміку ў адносінах паміж Беларуссю і ЕС, перспектывы далейшага паглыблення супрацоўніцтва па шэрагу напрамкаў, пытанні развіцця ініцыятывы "Усходняе партнёрства", а таксама сітуацыю ў рэгіёне", - расказалі ў прэс-службе.
Аляксандр Міхневіч праінфармаваў Дональда Туска аб выніках пасяджэння каардынацыйнай групы Беларусь - ЕС у Мінску, аб візіце ў Беларусь членаў Камітэта па палітыцы і бяспецы Савета ЕС, а таксама іх сустрэчы з кіраўніком беларускай дзяржавы Аляксандрам Лукашэнкам.
версія для друку
зрабіць стартавай
дабавіць у выбранае