Падзеі

Першыя асобы дзяржавы". Каго змоўшчыкі планавалі інтэрніраваць пасля захопу ўлады

19 верасня, Мінск /Кар. БЕЛТА/. У выпадку паспяховага захопу ўлады змоўшчыкі планавалі інтэрніраваць першых асоб дзяржавы. Аб гэтым у фільме "Забойная змова. Мэта - Лукашэнка" на тэлеканале "Беларусь 1" расказаў адзін са змоўшчыкаў Юрый Зянковіч, асуджаны на 11 гадоў пазбаўлення волі ў верасні 2022 года, паведамляе БЕЛТА.

Юрый Зянковіч расказаў пра два спісы, якія былі ў змоўшчыкаў. У першым былі арганізацыі, якія, паводле слоў змоўшчыка Аляксандра Фядуты, трэба было заняць у найкарацейшы тэрмін пасля ажыццяўлення дзяржаўнага перавароту. У другім былі асобы, якіх трэба было інтэрніраваць.

"Давайце гаварыць адкрыта. Асобы, пералічаныя ў гэтым спісе, гэта першыя асобы дзяржавы. Адпаведна, без іх захопу або без іх устаранення немагчыма ўзяць уладу ў свае рукі. Інтэрніраванне ў цэлым азначае ўзяцце пад варту без суда і следства на нявызначаны перыяд. Да таго часу, пакуль правячая - давайце называць рэчы сваімі імёнамі - хунта лічыць неабходным трымаць гэтых людзей у зняволенні. Гэта можа працягвацца тыдні, месяцы, гады - бывае па-рознаму. Калі асобы, пералічаныя ў гэтым спісе, аказвалі б супраціўленне, зразумела, армія прымяняе армейскія спосабы. Гэта значыць проста куля ў лоб", - заявіў Юрый Зянковіч.

У спісе сярод іншых былі прозвішчы старшыні Савета Рэспублікі Наталлі Качанавай, старшыні Белтэлерадыёкампаніі Івана Эйсманта, прэс-сакратара кіраўніка дзяржавы Наталлі Эйсмант, цяперашняга міністра інфармацыі Марата Маркава, які тады займаў пасаду кіраўніка тэлеканала АНТ. "Чаму туды трапіла Качанава, па-мойму, зразумела. Яна з'яўляецца чалавекам нумар два ў выпадку, калі з дзеючым кіраўніком дзяржавы нешта адбываецца і ён не можа выконваць свае абавязкі. Што датычыцца Эйсманта і Маркава... Я задаваў такое пытанне Аляксандру Васільевічу Фядуту, аўтару гэтага спіса. Ён сказаў, што гэта разумныя і таленавітыя прапагандысты, і такія людзі на волі могуць быць небяспечныя", - растлумачыў Юрый Зянковіч.

У спісе таксама былі пазначаны прэм'ер-міністр Раман Галоўчанка, старшыня Камітэта дзяржбяспекі  Іван Тэртэль, міністр абароны Віктар Хрэнін і іншыя асобы.

Складанне спіса было даручана Аляксандру Фядуту па той прычыне, што "гэта чалавек, які лепш за ўсіх ведае беларускія эліты". Тым не менш, адзначыў Юрый Зянковіч, калі б былі іншыя прапановы, то, хутчэй за ўсё, спіс быў бы дапоўнены. "Наколькі я памятаю, дапаўненняў не паступала", - дадаў ён.

версія для друку

зрабіць стартавай

дабавіць у выбранае