Падзеі

Патрыярх Кірыл: барацьба за самабытнасць нацыі ў сучасным свеце з'яўляецца барацьбой за яе выжыванне

6 чэрвеня, Мінск /Кар. БЕЛТА/. Барацьба за самабытнасць нацыі ў сучасным свеце з'яўляецца барацьбой за яе выжыванне ў духоўным і культурным сэнсе. Аб гэтым заявіў Патрыярх Маскоўскі і ўсяе Русі Кірыл на сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.

Прадстаяцель Рускай праваслаўнай царквы адзначыў, што ў Беларусі заўсёды адчувае сябе сярод сваіх людзей. "Звычайна, калі ідзеш да якога-небудзь кіраўніка дзяржавы, розныя думкі ў галаве, як і што... А вось тут - з лёгкім сэрцам. Таму што ведаеш, што ідзеш да чалавека блізкага, які прыняў на сябе велізарную адказнасць за бяспеку, за захаванне свайго народа, за захаванне самабытнасці свайго народа", - сказаў Патрыярх Кірыл.

"Ва ўмовах глабалізацыі, накіраванай на тое, каб усялякая самабытнасць знікала і ўсе падвёрстваліся на планеце Зямля пад адны і тыя ж стандарты, барацьба за самабытнасць з'яўляецца барацьбой за выжыванне нацыі, - падкрэсліў ён. - Можа, не ў фізічным сэнсе, а ў духоўным і культурным сэнсе - гэта выжыванне".

версія для друку

зрабіць стартавай

дабавіць у выбранае