Падзеі

Пасольства Беларусі ў Расіі растлумачыла, як пражываючыя ў РФ беларусы могуць прагаласаваць на рэферэндуме

Фота з архiва

4 лютага, Масква /Эдуард Півавар - БЕЛТА/. Пасольства Беларусі ў Расіі растлумачыла, як пражываючыя ў Расійскай Федэрацыі грамадзяне Рэспублікі Беларусь могуць прагаласаваць на рэферэндуме па змяненнях у Канстытуцыю. Адпаведная інфармацыя апублікавана на сайце дыпмісіі, паведамляе БЕЛТА.

"З прычыны таго, што ўчасткі для галасавання ў загранустановах Беларусі не ствараюцца, грамадзяне Рэспублікі Беларусь, якія пражываюць у Расійскай Федэрацыі, змогуць прыняць удзел у рэспубліканскім рэферэндуме і прагаласаваць на ўчастках для галасавання на тэрыторыі Беларусі, у тым ліку ў перыяд датэрміновага галасавання: грамадзяне, якія часова знаходзяцца за мяжой і пастаянна пражываюць у Рэспубліцы Беларусь, змогуць прагаласаваць па месцы сваёй рэгістрацыі ў Беларусі; грамадзяне, якія пастаянна пражываюць за мяжой і дакументаваныя пашпартамі серыі РР, - на ўчастку для галасавання ў Беларусі па месцы жыхарства дзяцей, бацькоў, родных братоў і сясцёр, бабкі, дзеда, унукаў, а таксама па месцы размяшчэння жылога памяшкання, якое знаходзіцца ў іх уласнасці, альбо па месцы знаходжання гасцініцы пры прад'яўленні дакумента аб засяленні ў гасцініцу", - гаворыцца ў паведамленні.

Пры гэтым у пасольстве падкрэслілі: для беларускіх грамадзян абмежаванняў пры ўездзе ў Беларусь няма. "Бесперашкодны ўезд на тэрыторыю Беларусі магчымы як праз наземныя, так і паветраныя пункты пропуску. ПЛР-тэст на COVID-19 не патрабуецца", - адзначылі ў дыпмісіі.

Выезд у Расію для грамадзян Рэспублікі Беларусь праз паветраныя пункты пропуску не абмежаваны. "Выезд праз наземныя пункты пропуску магчымы адзін раз у тры месяцы па кожнай з наступных прычын: вучоба ў замежнай дзяржаве, наяўнасць сапраўднага дакумента, які пацвярджае права на пастаяннае або часовае пражыванне ў замежнай дзяржаве, працоўная дзейнасць у замежнай дзяржаве", - растлумачылі ў пасольстве.

версія для друку

зрабіць стартавай

дабавіць у выбранае