Падзеі

Пасол Турцыі падзякаваў народу Беларусі за дапамогу ў барацьбе з наступствамі землетрасення

Фота МНС

10 лютага, Мінск /Кар. БЕЛТА/. Сёння адбылася сустрэча міністра па надзвычайных сітуацыях Вадзіма Сіняўскага з Надзвычайным і Паўнамоцным Паслом Турэцкай Рэспублікі ў Рэспубліцы Беларусь Мустафой Азджанам. Аб гэтым БЕЛТА паведамілі ў Міністэрстве па надзвычайных сітуацыях.

Вадзім Сіняўскі выказаў спачуванні паслу і ўсяму турэцкаму народу ў сувязі з гібеллю вялікай колькасці людзей з-за разбуральнага землетрасення на паўднёвым усходзе краіны. Таксама міністр пажадаў пацярпелым ад стыхійнага бедства хутчэйшага выздараўлення, а краіне - аднаўлення разбуранай інфраструктуры і вяртання да прывычнага ладу жыцця.

У сваю чаргу Мустафа Азджан ад імя прэзідэнта Турцыі падзякаваў кіраўніку дзяржавы і беларускаму народу за накіраванне выратавальнага атрада, аператыўнасць у аказанні дапамогі па ліквідацыі наступстваў землетрасення.

Пасол таксама выказаў просьбу турэцкага боку накіраваць з Беларусі дадатковую гуманітарную дапамогу: уцепленыя палаткі, коўдры, абагравальнікі і генератары. Акрамя таго, Мустафа Азджан выказаў гатоўнасць аказаць лагістычную падтрымку пошукава-выратавальнаму атраду "ЗУБР" у выпадку неабходнасці падаўжэння тэрмінаў яго знаходжання ў Турцыі.

версія для друку

зрабіць стартавай

дабавіць у выбранае