Падзеі

Пасол Экватарыяльнай Гвінеі ўручыў копіі даверчых грамат Алейніку

Фота МЗС

7 верасня, Мінск /Кар. БЕЛТА/. Міністр замежных спраў Рэспублікі Беларусь Сяргей Алейнік 7 верасня прыняў копіі даверчых грамат Надзвычайнага і Паўнамоцнага Пасла Рэспублікі Экватарыяльная Гвінея ў Рэспубліцы Беларусь па сумяшчальніцтве Ндонга Аекабы Лучана Нкога. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

Сяргей Алейнік павіншаваў пасла Экватарыяльнай Гвінеі з пачаткам яго дыпламатычнай місіі ў Беларусі. Бакі абмеркавалі перспектывы ўзаемадзеяння паміж знешнепалітычнымі ведамствамі дзвюх краін, пытанні гандлёва-эканамічнага супрацоўніцтва, у першую чаргу ў сельскай гаспадарцы і забеспячэнні харчовай бяспекі. Размова ішла таксама аб развіцці дагаворна-прававой базы, каардынацыі і ўзаемнай падтрымцы ў міжнародных арганізацыях.

Субяседнікі сышліся на думцы, што першы ў гісторыі двухбаковых адносін афіцыйны візіт Прэзідэнта Рэспублікі Экватарыяльная Гвінея Тэадора Абіянга Нгемы Мбасога ў Рэспубліку Беларусь закладзе трывалую аснову для развіцця двухбаковага супрацоўніцтва.

версія для друку

зрабіць стартавай

дабавіць у выбранае