Падзеі

Пасол Эквадора высока ацаніў намаганні Беларусі па падтрыманні міру і міжнароднай бяспекі

Дзмітрый Крутой і Хуан Фернанда Альгін Флорэс. Фота Пасольства Рэспублікі Беларусь у Расійскай Федэрацы

16 сакавіка, Масква /Эдуард Півавар - БЕЛТА/. Пасол Беларусі ў Расіі Дзмітрый Крутой 15 сакавіка ў Маскве правёў сустрэчу з паслом Рэспублікі Эквадор у Расійскую Федэрацыю і Рэспубліку Беларусь па сумяшчальніцтве Хуанам Фернанда Альгінам Флорэсам, паведамілі БЕЛТА ў прэс-службе беларускай дыпмісіі.

"Бакі абмеркавалі шляхі пашырэння беларуска-эквадорскага супрацоўніцтва, узаемадзеянне на шматбаковых пляцоўках, абмяняліся меркаваннямі па актуальнай міжнароднай праблематыцы. Дзмітрый Крутой і Хуан Фернанда Альгін Флорэс дамовіліся аб актывізацыі дыялогу ў палітычнай, эканамічнай, гуманітарнай сферах, а таксама аб правядзенні мерапрыемстваў да 30-гадовага юбілею ўстанаўлення дыпламатычных адносін, які Беларусь і Эквадор будуць адзначаць у маі 2023 года", - расказалі ў прэс-службе.

Пасол Беларусі прапанаваў эквадорскаму боку рэалізацыю сумесных праектаў у галіне механізацыі сельскай гаспадаркі, развіцця інфраструктуры, здабычы карысных выкапняў, бія- і інфармацыйных тэхналогій. Ён адзначыў, што Беларусь вырабляе шырокую наменклатуру тэхнікі для розных галін эканомікі, і звярнуў увагу на важнасць наладжвання кантактаў паміж дзелавымі коламі для надання імпульсу гандлёва-эканамічным сувязям.

Пасол Эквадора падкрэсліў дружалюбны характар адносін дзвюх краін, заявіўшы аб гатоўнасці садзейнічаць росту ўзаемнага гандлю. Дыпламат выказаў зацікаўленасць у прадаўжэнні супрацоўніцтва ў сферы адукацыі і далейшым навучанні эквадорскіх студэнтаў у ВНУ Беларусі.

"Бакі ўзаемна пацвердзілі прыхільнасць Беларусі і Эквадора да прынцыпаў суверэннай роўнасці, неўмяшання ва ўнутраныя справы дзяржавы і мірнага вырашэння любых канфліктаў. Пасол Эквадора даў высокую ацэнку намаганням кіраўніцтва Рэспублікі Беларусь, нацэленым на падтрыманне міжнароднага міру і бяспекі", - падкрэслілі ў прэс-службе.

"Дзмітрый Крутой і Хуан Фернанда Альгін Флорэс умовіліся садзейнічаць пашырэнню беларуска-эквадорскага ўзаемадзеяння па ўсіх напрамках", - дадалі ў пасольстве Беларусі.

версія для друку

зрабіць стартавай

дабавіць у выбранае