Падзеі

Пасол Беларусі абмеркаваў з мэрам швейцарскага Фрыбура ўстанаўленне кантактаў у сферы эканомікі

Фота з архiва

20 лістапада, Мінск /Аліна Грышкевіч - БЕЛТА/. Надзвычайны і Паўнамоцны Пасол Беларусі ў Швейцарскай Канфедэрацыі Аляксандр Ганевіч наведаў горад Фрыбур. Аб гэтым карэспандэнту БЕЛТА паведамілі ў пасольстве Беларусі ў Швейцарыі.

"Праведзены перагаворы з сіндыкам (бургамістрам) горада Фрыбур Цьеры Штаертам, якія адбыліся з удзелам ганаровага консула Беларусі ў Лазане Андрэя Нажэскіна", - сказалі ў беларускай загранустанове.

Разгледжаны перспектыўныя напрамкі супрацоўніцтва, уключаючы ўстанаўленне кантактаў у сферах эканомікі, культуры, адукацыі, спорту.

Бакі дамовіліся прапрацаваць пытанні ўвекавечання памяці беларускай мецэнаткі першай палавіны ХХ стагоддзя Магдалены Радзівіл, якая правяла ў горадзе Фрыбур апошнія гады жыцця. Размова ішла таксама аб удзеле беларускага творчага калектыву ў фестывалі "Фрыбурскія міжнародныя фальклорныя сустрэчы".

версія для друку

зрабіць стартавай

дабавіць у выбранае