Падзеі

Дэлегацыю ўзначаліць старшыня камітэта пасол Вальтэр Стывенс. У час знаходжання ў Мінску ў цэнтры ўвагі дэлегацыі будуць стан і перспектывы адносін паміж Беларуссю і ЕС.

Камітэт па палітыцы і бяспецы складаецца з паслоў краін ЕС, якія працуюць у Бруселі. Гэта пастаянная структура Савета Еўрапейскага саюза. Задача камітэта ў тым, каб сачыць за развіццём міжнароднай сітуацыі ў сферах, на якія распаўсюджваецца агульная знешняя палітыка і палітыка бяспекі ЕС, і інфармаваць Савет міністраў Еўрасаюза. Камітэт адыгрывае ключавую ролю ў палітычным дыялогу ЕС, адзначылі ў прадстаўніцтве.

Начальнік упраўлення інфармацыі - прэс-сакратар МЗС Беларусі Дзмітрый Мірончык пацвердзіў БЕЛТА, што адпаведны візіт сапраўды адбудзецца. "Дэлегацыя ЕС, у якую ўвойдуць прадстаўнікі Камітэта па палітыцы і бяспецы Савета ЕС, еўрапейскай службы знешніх дзеянняў і Еўракамісіі прыбываюць у Беларусь 20-21 лістапада для правядзення шэрага сустрэч у мэтах абмеркавання стану і перспектыў развіцця ўзаемадзеяння паміж Беларуссю і Еўрасаюзам", - сказаў ён.