Падзеі
Паслы Беларусі і Намібіі абмеркавалі графік кантактаў бакоў на ўзроўні кіраўніцтва міністэрстваў замежных спраў
27 сакавіка, Масква /Эдуард Півавар - БЕЛТА/. Надзвычайны і Паўнамоцны Пасол Беларусі ў Расіі Ігар Петрышэнка і Надзвычайны і Паўнамоцны Пасол Намібіі ў Беларусі з рэзідэнцыяй у Маскве Ндалі Чэ Камаці абмеркавалі графік кантактаў бакоў на ўзроўні кіраўніцтва міністэрстваў замежных спраў. Сустрэча дыпламатаў адбылася сёння ў расійскай сталіцы, паведамілі БЕЛТА ў прэс-службе беларускай дыпмісіі.
"Бакі абмеркавалі ход рэалізацыі дамоўленасцей па выніках візіту ў Беларусь намесніка прэм'ер-міністра - міністра міжнародных адносін і супрацоўніцтва Намібіі Нетумба Нандзі-Ндаітвы ў кастрычніку 2016 года, графік далейшых кантактаў на ўзроўні кіраўніцтва міністэрстваў замежных спраў", - адзначылі ў прэс-службе.
Дыпламатычныя адносіны паміж Беларуссю і Намібіяй устаноўлены 21 снежня 2000 года.
версія для друку
зрабіць стартавай
дабавіць у выбранае