Падзеі

Пасяджэнне Вышэйшага дзяржсавета Саюзнай дзяржавы пройдзе ў Мінску 6 снежня

Фота з архiва

5 снежня, Мінск /Кар. БЕЛТА/. Пасяджэнне Вышэйшага дзяржаўнага савета Саюзнай дзяржавы пройдзе ў Мінску 6 снежня пад старшынствам Прэзідэнта Рэспублікі Беларусь, Старшыні ВДС Аляксандра Лукашэнкі. Аб гэтым БЕЛТА паведамілі ў прэс-службе беларускага лідара.

Удзел у пасяджэнні прымуць Прэзідэнт Расіі Уладзімір Пуцін, кіраўнікі ўрадаў Раман Галоўчанка і Міхаіл Мішусцін, кіраўнікі палат парламентаў Рэспублікі Беларусь і Расійскай Федэрацыі Валянціна Мацвіенка, Наталля Качанава, Вячаслаў Валодзін і Ігар Сергяенка, якія ўваходзяць у склад Вышэйшага дзяржсавета.

Пасяджэнне пройдзе напярэдадні 25-годдзя з дня падпісання Дагавора аб стварэнні Саюзнай дзяржавы. Яго ўдзельнікі разгледзяць ход выканання Асноўных напрамкаў рэалізацыі палажэнняў Дагавора аб стварэнні Саюзнай дзяржавы на 2024-2026 гады, падрыхтаваную Канцэпцыю бяспекі Саюзнай дзяржавы.

На пасяджэнні ВДС будзе разгледжаны і шэраг іншых пытанняў у розных сферах, якія маюць важнае значэнне для жыцця як непасрэдна грамадзян, так і работы галін эканомікі ў Саюзнай дзяржаве. Размова пойдзе аб фарміраванні аб'яднанага рынку электрычнай энергіі, адмене роўмінгу ў Саюзнай дзяржаве. У парадку дня таксама пытанні, якія датычацца правоў спажыўцоў, процідзеяння незаконнаму імпарту тавараў на тэрыторыю Саюзнай дзяржавы. Будзе разгледжана пытанне аб арганізацыі і правядзенні мерапрыемстваў па святкаванні 80-годдзя Перамогі ў Вялікай Айчыннай вайне.

версія для друку

зрабіць стартавай

дабавіць у выбранае