Падзеі
Пасяджэнне Савета пастаянных прадстаўнікоў краін СНД пройдзе ў Мінску 15 снежня
14 снежня, Мінск /Кар. БЕЛТА/. Апошняе ў гэтым годзе пасяджэнне Савета пастаянных паўнамоцных прадстаўнікоў дзяржаў - удзельніц СНД пры статутных і іншых органах Садружнасці пройдзе 15 снежня ў Мінску, паведамілі БЕЛТА ў прэс-службе Выканаўчага камітэта СНД.
У мерапрыемстве прыме ўдзел старшыня Выканаўчага камітэта - выканаўчы сакратар СНД Сяргей Лебедзеў.
У бягучым годзе адбылося 13 пасяджэнняў Савета пастаянных прадстаўнікоў, на якіх разгледжана больш за 30 пытанняў, што датычацца розных сфер супрацоўніцтва дзяржаў - удзельніц Садружнасці і дзейнасці органаў СНД. На маючым адбыцца 14-м пасяджэнні пастаянныя паўнамоцныя прадстаўнікі падвядуць вынікі сваёй дзейнасці ў адыходзячым годзе і намецяць план работы Савета на 2016 год.
Эстафета старшынства ў СНД пяройдзе ў надыходзячым годзе ад Рэспублікі Казахстан да Кыргызскай Рэспублікі. У сувязі з гэтым Пастаянны прадстаўнік Казахстана Ергалі Булегенаў выступіць з інфармацыяй аб старшынстве сваёй краіны ў Садружнасці ў 2015 годзе.
Акрамя таго, членам Савета пастаянных прадстаўнікоў будуць прадстаўлены прапановы ў праект парадку дня чарговага пасяджэння Савета міністраў замежных спраў СНД, якое пройдзе ў Маскве 8 красавіка 2016 года.
версія для друку
зрабіць стартавай
дабавіць у выбранае