Падзеі

Пасяджэнне Савета ПА АДКБ пройдзе ў Мінску 17-18 мая

17 мая, Мінск /Кар. БЕЛТА/. У Мінску 17-18 мая пройдзе пасяджэнне Савета Парламенцкай асамблеі Арганізацыі Дагавора аб калектыўнай бяспецы, паведамілі БЕЛТА ў прэс-службе Палаты прадстаўнікоў.

Сёння чакаецца прыбыццё ў Мінск парламенцкіх дэлегацый дзяржаў - членаў АДКБ і запрошаных замежных гасцей. Для іх будзе арганізавана наведванне Беларускага дзяржаўнага музея гісторыі Вялікай Айчыннай вайны. Рабочы дзень 18 мая пачнецца з двухбаковых сустрэч, пасля чаго адбудзецца цырымонія ўскладання вянка да манумента Перамогі.

На пасяджэнні Савета ПА АДКБ удзельнікі разгледзяць рэалізацыю рашэнняў чарговай лістападаўскай (2022 года) сесіі Савета калектыўнай бяспекі АДКБ і абстаноўку, якая складваецца ў зоне адказнасці арганізацыі. У цэнтры ўвагі будзе дзейнасць дзяржорганаў Беларусі па забеспячэнні ўстойлівасці і стабільнасці грамадска-палітычнай і ваеннай абстаноўкі, процідзеянні выклікам і пагрозам бяспецы ў кантэксце рэалізацыі прыярытэтаў старшынства ў АДКБ у 2023 годзе.

На абмеркаванне вынесены праекты заяў Савета ПА АДКБ па прадухіленні гонкі ўзбраенняў у касмічнай прасторы і аб процідзеянні злоўжыванню наркотыкамі сярод дзяцей і моладзі і папулярызацыі іх здаровага ладу жыцця.

Акрамя таго, мяркуецца ўнясенне змяненняў у праграму дзейнасці ПА АДКБ па збліжэнні і гарманізацыі нацыянальнага заканадаўства дзяржаў - членаў АДКБ на 2021-2025 гады. У парадку дня пасяджэння і іншыя пытанні.

версія для друку

зрабіць стартавай

дабавіць у выбранае