Падзеі

Удзел у пасяджэнні прымуць прэм'ер-міністры Беларусі і Расіі Андрэй Кабякоў і Дзмітрый Мядзведзеў.

На разгляд вынесена 27 пытанняў. Асноўны блок - гандлёва-эканамічнае супрацоўніцтва. У прыватнасці, будзе разгледжаны план мерапрыемстваў урадаў Расіі і Беларусі па стварэнні дадатковых умоў для развіцця гандлёва-эканамічнага супрацоўніцтва ад 3 сакавіка 2015 года. Плануецца абмеркаваць падрыхтоўку сярэднетэрміновага прагнозу сацыяльна-эканамічнага развіцця Саюзнай дзяржавы, разгледзець прагнозныя балансы попыту і прапанавання па важнейшых відах прадукцыі на 2016 год.

Акрамя таго, будуць падведзены вынікі выканання навукова-тэхнічнай праграмы Саюзнай дзяржавы "Распрацоўка і стварэнне новага пакалення мікрасістэматэхнікі і ўніфікаваных інтэграваных сістэм двайнога прызначэння на яе аснове" на 2010-2014 гады.

Таксама плануецца разгледзець праекты канцэпцый пяцігадовых праграм "Распрацоўка інавацыйных генагеаграфічных і геномных тэхналогій ідэнтыфікацыі асобы і індывідуальных асаблівасцей чалавека на аснове вывучэння генафондаў рэгіёнаў Саюзнай дзяржавы" ("ДНК-ідэнтыфікацыя"), "Развіццё сістэмы гідраметэаралагічнай бяспекі Саюзнай дзяржавы", "Распрацоўка новых спінальных сістэм з выкарыстаннем тэхналогій протатыпавання ў хірургічным лячэнні дзяцей з цяжкімі прыроджанымі дэфармацыямі і пашкоджаннямі пазваночніка", а таксама праекты праграм "Распрацоўка новага пакалення электронных кампанентаў для сістэм кіравання і бяспекі аўтатранспартных сродкаў спецыяльнага і двайнога прызначэння" ("Аўтаэлектроніка"), "Распрацоўка крытычных стандартных тэхналогій праектавання і вытворчасці вырабаў нанаструктурнай мікра- і оптаэлектронікі, прыбораў і сістэм на іх аснове і абсталявання для іх вытворчасці і выпрабаванняў" ("Прамень"), "Распрацоўка комплексных тэхналогій стварэння матэрыялаў, устройстваў і ключавых элементаў касмічных сродкаў і перспектыўнай прадукцыі іншых галін" ("Тэхналогія - СД"), "Развіццё і ўдасканаленне адзінай сістэмы тэхнічнага прыкрыцця чыгунак рэгіёна".

Запланаваны двухбаковыя перагаворы Андрэя Кабякова і Дзмітрыя Мядзведзева, на якіх плануецца абмеркаваць шырокі спектр двухбаковага супрацоўніцтва.