Падзеі

30 лістапада, Мінск /Кар. БЕЛТА/. Парламенцкія слуханні па дасягненні Мэт устойлівага развіцця (МУР) пройдуць у верхняй палаце беларускага парламента 19 снежня. Аб гэтым паведаміла сёння старшыня Пастаяннай камісіі па заканадаўстве і дзяржаўным будаўніцтве Ала Бодак на пасяджэнні Савета Рэспублікі, перадае карэспандэнт БЕЛТА.

"Думаецца, што адкрытыя парламенцкія слуханні Савета Рэспублікі на тэму "Партнёрства галін улады як неабходная ўмова паспяховага дасягнення Мэт устойлівага развіцця", якія мы прапануем правесці 19 снежня гэтага года, аб'яднаюць нашы намаганні па забеспячэнні ўстойлівага развіцця Беларусі, яе эканамічнага росту ў спалучэнні з аховай навакольнага асяроддзя і развіццём чалавечага патэнцыялу", - заўважыла старшыня пастаяннай камісіі.

Па выніках слуханняў будуць вызначаны прыярытэтныя напрамкі, на якія неабходна зрабіць упор у першую чаргу, а таксама будуць прыняты рэкамендацыі дзяржаўным органам і іншым арганізацыям адносна збалансаваных дзеянняў па дасягненні МУР.