Падзеі

Парламенцкая дэлегацыя Узбекістана 4-7 верасня наведае Беларусь

Фота з архiва

29 жніўня, Мінск /Кар. БЕЛТА/. Па запрашэнні Савета Рэспублікі Нацыянальнага сходу Рэспублікі Беларусь нашу краіну 4-7 верасня з афіцыйным візітам наведае парламенцкая дэлегацыя Рэспублікі Узбекістан на чале са старшынёй Сената Олій Мажліса Рэспублікі Узбекістан Танзілой Нарбаевай. Аб гэтым БЕЛТА паведамілі ў прэс-службе верхняй палаты парламента.

Разам з абмеркаваннем пытанняў міжпарламенцкага парадку дня будзе арганізавана правядзенне першага беларуска-ўзбекскага жаночага бізнес-форуму.

У рамках форуму 5 верасня пройдзе шэсць секцыйных пасяджэнняў: "Пашырэнне супрацоўніцтва Беларусі і Узбекістана ў галіне прамысловасці", "Перспектыўныя напрамкі супрацоўніцтва ў сферы лёгкай прамысловасці", "Умацаванне партнёрства аграпрамысловых комплексаў Беларусі і Узбекістана", "Медыцына і фармацэўтыка - перспектыўныя напрамкі развіцця супрацоўніцтва Рэспублікі Беларусь і Рэспублікі Узбекістан", "Рэалізацыя партнёрства ў сферы навукі і адукацыі", "Культура і турызм - патэнцыял узаемных кантактаў".

6 верасня пройдзе ключавое мерапрыемства першага беларуска-ўзбекскага жаночага бізнес-форуму - пленарнае пасяджэнне на тэму "Жанчыны ў бізнесе - патэнцыял для развіцця дзелавога супрацоўніцтва Беларусі і Узбекістана".

Арганізатар форуму - Савет Рэспублікі Нацыянальнага сходу Рэспублікі Беларусь.

версія для друку

зрабіць стартавай

дабавіць у выбранае