Падзеі

7 жніўня, Мінск /Кар. БЕЛТА/. Парламенцкая дэлегацыя Японіі на чале з кіраўніком групы міжпарламенцкай дружбы "Японія-Беларусь", старшынёй спецыяльнага камітэта Палаты прадстаўнікоў парламента Японіі па рэгіянальным аднаўленні Хірамічы Ватанабэ наведае з рабочым візітам Беларусь 7-11 жніўня. Аб гэтым карэспандэнту БЕЛТА паведамілі ў прэс-службе Савета Рэспублікі.

У час візіту адбудзецца сустрэча парламенцкай дэлегацыі Японіі са старшынёй Савета Рэспублікі Міхаілам Мясніковічам, а таксама пасяджэнне рабочай групы Нацыянальнага сходу Беларусі па супрацоўніцтве з парламентам Японіі.

Праграмай візіту прадугледжаны перагаворы дэлегацыі ў Міністэрстве сельскай гаспадаркі і харчавання і Міністэрстве аховы здароўя Беларусі. Акрамя таго, японскія парламентарыі наведаюць беларускія прадпрыемствы "Элема", "Камунарка", а таксама кампанію "Гейм Стрым".