Падзеі

Дэлегацыя мае намер прыняць удзел у дзявятым пасяджэнні міжпарламенцкай камісіі па супрацоўніцтве Нацыянальнага сходу Беларусі і Нацыянальнага сходу Арменіі. Акрамя таго, запланаваны двухбаковыя сустрэчы. Эдуард Шармазанаў сустрэнецца са старшынямі Палаты прадстаўнікоў і Савета Рэспублікі Уладзімірам Андрэйчанкам і Міхаілам Мясніковічам. Як адзначылі ў прэс-службе, у ходзе сустрэчы з Уладзімірам Андрэйчанкам плануецца разгледзець пытанні аб стане гандлёва-эканамічных адносін паміж дзвюма краінамі, перспектывы парламенцкага ўзаемадзеяння на міжнароднай арэне, а таксама вынікі работы па арганізацыі сумеснага святкавання 70-годдзя Перамогі савецкага народа ў Вялікай Айчыннай вайне.

Запланавана сустрэча прадстаўнікоў Брэсцкага абласнога і гарадскога выканаўчых камітэтаў з армянскімі парламентарыямі. Дэлегацыя таксама прыме ўдзел у адкрыцці ў Брэсце хачкара воінам-армянам, якія загінулі пры абароне Брэсцкай крэпасці.

Акрамя таго, для замежных гасцей падрыхтавана культурная праграма - яны наведаюць Беларускі дзяржаўны музей гісторыі Вялікай Айчыннай вайны.