Падзеі

"Да 29 лютага мы збяром усе прапановы і даныя для далейшага ўнясення на разгляд на вясенняй сесіі", - сказаў дэпутат.

Парламентарый нагадаў, што вясенняя сесія пачнецца 4 красавіка.

Для таго, каб прыняць законапраект аб зацвярджэнні Ваеннай дактрыны, неабходна атрымаць не менш як дзве трэці галасоў "за" ад агульнай колькасці дэпутатаў Палаты прадстаўнікоў. Пры гэтым дакумент павінен прымацца ў двух чытаннях. Далей ён паступіць у Савет Рэспублікі для адабрэння, а пасля - на подпіс Прэзідэнту Беларусі.

Аляксандр Мяжуеў лічыць, што праект закона будзе прыняты ў бягучым годзе. Дэпутат дадаў, што ў новую дактрыну ўведзены тэрмін "гібрыдная вайна". Адказваючы на пытанне, ці здольны беларускія сілавікі змагацца з пагрозай такой вайны, ён сказаў: "Калі б не ўмелі змагацца, у нас не было б стабільнасці ў дзяржаве. Народ павінен быць спакойны. Армія яго абароніць".

"Гэты дакумент таксама ўлічвае экспарт каляровых рэвалюцый", - дадаў дэпутат.

Як паведамлялася, новая рэдакцыя Ваеннай дактрыны Беларусі паступіла ў Палату прадстаўнікоў 12 лютага пасля таго, як 22 студзеня яе адобрыў Прэзідэнт Беларусі па выніках пасяджэння Савета бяспекі. Неабходнасць перапрацоўкі дактрыны выклікана змяненнямі ваенна-палітычнай абстаноўкі ў свеце, характару ўзброенай барацьбы, а таксама сучаснымі тэндэнцыямі развіцця беларускай дзяржавы. У прыватнасці, у дакуменце з'явіўся тэрмін "унутраны ўзброены канфлікт". "Часта дзяржавы, якія навязваюць сваю палітыку іншым краінам, спрабуюць дасягнуць ваенна-палітычных мэт, выкарыстоўваючы ўнутраныя дэструктыўныя сілы. Паколькі пытанне аб развязванні ўнутранага ўзброенага канфлікту на тэрыторыі многіх дзяржаў з'яўляецца актуальным, гэтай праблеме ўдзелена сур'ёзная ўвага", - заяўляў раней наконт гэтага начальнік навукова-даследчага інстытута Узброеных Сіл Беларусі кандыдат ваенных навук палкоўнік Алег Любачка.

У сваю чаргу дзяржсакратар Савета бяспекі Беларусі Станіслаў Зась у размове з журналістамі звяртаў увагу, што ў дактрыне цяпер прапісаны напрамкі развіцця абароннага сектара эканомікі. "У дактрыне ўлічаны тыя змяненні, якія адбываюцца ў формах і спосабах вядзення ўзброенай барацьбы. Даўно ўжо на змену класічным войнам прыйшлі іншыя, у тым ліку так званыя гібрыдныя. Гэта ўлічвалася пры распрацоўцы новай дактрыны. Зразумела, акцэнт тут больш ярка зроблены на інфармацыйным проціборстве, цяпер гэта адзін з вельмі сур'ёзных складнікаў ваенных дзеянняў. Па іншых пазіцыях гэтыя змяненні таксама ўлічаны", - адзначаў дзяржсакратар.