Падзеі

Падзяка Прэзідэнта Беларусі аб'яўлена двум калектывам і 17 прадстаўнікам розных сфер

Фота з архiва

9 верасня, Мінск /Кар. БЕЛТА/. Падзяка Прэзідэнта Рэспублікі Беларусь аб'яўлена двум калектывам і 17 прадстаўнікам розных сфер. Аб гэтым карэспандэнту БЕЛТА паведамілі ў прэс-службе беларускага лідара.

Узнагарода аб'яўлена за ўкараненне ў вытворчасць новай тэхнікі і тэхналогій, выпуск прадукцыі высокай якасці вытворчаму ўнітарнаму прадпрыемству "Цветліт" грамадскага аб'яднання "Беларускае таварыства глухіх", а таксама за плённую навукова-педагагічную дзейнасць, значны ўклад у падрыхтоўку высокакваліфікаваных спецыялістаў для грамадзянскай авіяцыі - калектыву работнікаў Беларускай дзяржаўнай акадэміі авіяцыі.

У ліку тых, каму аб'яўлена Падзяка за добрасумленную плённую працу, высокі прафесіяналізм, значны асабісты ўклад у прафесійную дзейнасць, - аператар цэха газавых балонаў Навагрудскага завода газавай апаратуры Віталь Ляончык, электрагазазваршчык філіяла "Віцебскае вытворчае ўпраўленне" вытворчага рэспубліканскага ўнітарнага прадпрыемства "Віцебскаблгаз" Дзмітрый Мядзведзеў, намеснік начальніка ўпраўлення міжнароднага падатковага супрацоўніцтва Міністэрства па падатках і зборах Юлія Буцько, слесар ААТ "БЕЛАЗ" - кіруючая кампанія холдынга "БЕЛАЗ-ХОЛДЫНГ" Міхаіл Бялоў, швачка ААТ "Камінтэрн" Таццяна Палагуціна, повар рэстарана "Свіцязь" ААТ "Вялікая Крыніца" горада Навагрудак Ала Піваварчык.

Сярод узнагароджаных за прафесійнае майстэрства, падрыхтоўку спартсменаў высокага класа і значны асабісты ўклад у забеспячэнне выдатных спартыўных вынікаў - трэнер-выкладчык па скачках на батуце СДЮШАР Вілейскага райвыканкама Пётр Зайцаў, старшы трэнер нацыянальнай каманды Рэспублікі Беларусь па цяжкай атлетыцы Рэспубліканскага цэнтра алімпійскай падрыхтоўкі "Стайкі" Алег Лобан.

версія для друку

зрабіць стартавай

дабавіць у выбранае