Падзеі

Падрыхтоўку да пасяджэння беларуска-катарскага міжурадавага камітэта абмеркавалі ў Мінску

23 снежня, Мінск /Аліна Грышкевіч - БЕЛТА/. У МЗС Беларусі 22 снежня адбылася сустрэча намесніка міністра замежных спраў Сяргея Алейніка з часовым павераным у справах Дзяржавы Катар у Рэспубліцы Беларусь Мешаалем аль-Атыя. Аб гэтым карэспандэнту БЕЛТА паведамілі ў прэс-службе знешнепалітычнага ведамства.

На перагаворах бакі абмеркавалі актуальныя напрамкі беларуска-катарскага ўзаемадзеяння ў палітычнай і гандлёва-эканамічнай сферах і пацвердзілі ўзаемную зацікаўленасць у актывізацыі супрацоўніцтва паміж краінамі.

Асаблівая ўвага была ўдзелена разгляду пытанняў абмену візітамі афіцыйных і дзелавых дэлегацый, а таксама правядзення чарговага пасяджэння сумеснага міжурадавага камітэта і кансультацый паміж знешнепалітычнымі ведамствамі Беларусі і Катара.

версія для друку

зрабіць стартавай

дабавіць у выбранае