Падзеі

Падрыхтоўка мерапрыемстваў на вышэйшым узроўні, пытанні транспарту. Рагожнік сустрэўся з намеснікам кіраўніка МЗС РФ

Фота пасольства Беларусі ў Расіі

15 жніўня, Масква /Эдуард Півавар - БЕЛТА/. Пасол Беларусі ў Расіі Аляксандр Рагожнік сустрэўся з намеснікам міністра замежных спраў Расіі Міхаілам Галузіным. Аб гэтым паведамілі БЕЛТА ў прэс-службе беларускай дыпмісіі.

"У ходзе перагавораў абмеркавалі шырокі спектр пытанняў двухбаковага парадку дня, уключаючы будучыя мерапрыемствы на вышэйшым і высокім узроўні. Разгледзелі ход падрыхтоўкі і ўступлення ў сілу шэрага знакавых двухбаковых дакументаў, якія плануюцца да падпісання да 25-годдзя Дагавора аб стварэнні Саюзнай дзяржавы. Абмяняліся думкамі адносна працэсу пашырэння дыпламатычнай прысутнасці Рэспублікі Беларусь у рэгіёнах Расіі", - расказалі ў прэс-службе.

"Пасол Беларусі акцэнтаваў пытанні, актуальныя для беларускіх і расійскіх грамадзян, у прыватнасці пагранічнага кантролю і мытнага надгляду ў аэрапортах, дэфіцыту білетаў на паязды, якія курсіруюць паміж нашымі краінамі", - падкрэслілі ў дыппрадстаўніцтве.

У кантэксце маючага адбыцца святкавання 80-годдзя Перамогі ў Вялікай Айчыннай вайне бакі абмеркавалі магчымыя сумесныя мерапрыемствы, разгледзелі іншыя пытанні сумеснай работы па захаванні гістарычнай памяці. "Закранулі парадак дня ўзаемадзеяння ў інтэграцыйных фарматах. Асобна спыніліся на праблематыцы стварэння медыякампаніі Саюзнай дзяржавы", - дадалі ў прэс-службе.

версія для друку

зрабіць стартавай

дабавіць у выбранае