Падзеі

Пад старшынствам пастаяннага прадстаўніка Беларусі ў Жэневе прайшло пасяджэнне Выканкама ЕЭК ААН

17 снежня, Мінск /Кар. БЕЛТА/. Пад старшынствам пастаяннага прадстаўніка Рэспублікі Беларусь у Жэневе Юрыя Амбразевіча адбылася 112-я афіцыйная сесія Выканаўчага камітэта Еўрапейскай эканамічнай камісіі (ЕЭК) ААН. Аб гэтым карэспандэнту БЕЛТА паведамілі ў пастаянным прадстаўніцтве Беларусі пры Аддзяленні ААН і іншых міжнародных арганізацыях у Жэневе.

Абмеркаваны арганізацыйныя аспекты правядзення ў красавіку 2021 года ў Жэневе 69-й сесіі ЕЭК ААН па тэме "Садзейнічанне цыркулярнай эканоміцы і ўстойліваму кіраванню прыроднымі рэсурсамі". Былі разгледжаны сярод іншых пытанняў папярэдні парадак дня мерапрыемства і праект заяўлення сегмента высокага ўзроўню.

Акрамя таго, у цэнтры ўвагі былі пытанні падрыхтоўкі Рэгіянальнага форуму па ўстойлівым развіцці ў рэгіёне ЕЭК ААН, намечанага на сакавік 2021 года.

версія для друку

зрабіць стартавай

дабавіць у выбранае