Падзеі

Новы ўзровень тавараабароту і экспарт адукацыйных паслуг. Гігін аб супрацоўніцтве Беларусі і Ірана

13 лістапада, Мінск /Кар. БЕЛТА/. У праекце "У тэме" на YouTube-канале БЕЛТА старшыня РДГА "Веды" генеральны дырэктар Нацыянальнай бібліятэкі Беларусі Вадзім Гігін падзяліўся меркаваннем аб перспектывах і напрамках супрацоўніцтва Беларусі і Ірана.

"Перш за ўсё, у Ірана ёсць вопыт работы ва ўмовах вельмі жорсткіх санкцый. Нягледзячы на санкцыйны націск, Іран дабіўся проста вялізных поспехаў у развіцці навукі, абароннага комплексу. Дарэчы, у абаронным комплексе ў нас можа быць вельмі сур'ёзная кааперацыя, і такія дамоўленасці, наколькі я разумею, ёсць. Гэта і сумесныя інавацыйныя распрацоўкі. У Ірана ёсць вельмі шмат навуковых ідэй, як і ў нас, але часам нам проста не хапае злучэння. Я ўпэўнены, што яно можа прынесці станоўчыя вынікі", - сказаў Вадзім Гігін.

Эксперт таксама звярнуў увагу на перспектывы знешнепалітычнага супрацоўніцтва Беларусі і Ірана. "Паколькі мы разам ідзём у такія арганізацыі, як ШАС і іншыя, нам трэба ўзмацніць каардынацыю. Гэта дасць магчымасць лепш забяспечыць нашу пазіцыю. Я не выключаў бы і інвестыцыі. У Іране ёсць грошы, якія яны гатовы ўкладваць у перспектыўныя праекты. Гэта і лагістыка. Шлях Поўнач - Поўдзень, які да цёплых мораў ляжыць праз Іран, таксама ўяўляе інтарэс для Беларусі", - лічыць ён.

Акрамя таго, адзначыў Вадзім Гігін, Беларусь можа прыняць удзел у тройках Беларусь - Расія - Іран і Беларусь - Кітай - Іран. "Усё гэта ў сукупнасці дае магчымасць нам гаварыць аб сур'ёзных перспектывах. У нулявыя гады ў нас быў пэўны рывок, потым нядрэнныя вынікі былі ў сярэдзіне дзясятых гадоў і напярэдадні кавіду. Цяпер размова не ідзе аб вяртанні да гэтых вынікаў. Мы павінны выйсці на якасна новы ўзровень тавараабароту. Але нашым фінансістам, вытворцам, прадаўцам неабходны паваротлівасць і кемлівасць. Як і нашай сістэме адукацыі, калі мы гаворым аб экспарце адукацыйных паслуг", - упэўнены Вадзім Гігін.

Праект створаны за кошт сродкаў мэтавага збору на вытворчасць нацыянальнага кантэнту.

версія для друку

зрабіць стартавай

дабавіць у выбранае