Падзеі

11 красавіка, Мінск /Кар. БЕЛТА/. Новы пасол Ізраіля прыбудзе ў Беларусь летам 2016 года, паведаміла сёння журналістам часовы павераны ў справах пасольства Ізраіля ў Беларусі Юлія Рачынскі-Співакоў, перадае БЕЛТА.

"Кандыдатуры знаходзяцца на разглядзе ў МЗС Ізраіля. Прыбыццё плануецца на сярэдзіну - канец лета гэтага года", - сказала Юлія Рачынскі-Співакоў.

Таксама дыпламат адзначыла, што пасольства ў Беларусі не будзе мяняць свае функцыі і па сумяшчальніцтве курыраваць іншыя краіны ў сувязі з рашэннем аб закрыцці некаторых дыпмісій Ізраіля. "Пасольства будзе адказваць выключна за Беларусь, як і было да гэтага часу. Мы прадаўжаем работу ў тым жа фармаце, у якім мы працавалі", - падкрэсліла яна.

Юлія Рачынскі-Співакоў паведаміла, што рашэнне ізраільскага боку прадоўжыць работу дыпмісіі ў Беларусі, увядзенне паміж краінамі бязвізавага рэжыму паслужылі падставай для правядзення ў Беларусі Дзён культуры Ізраіля. Яны пройдуць з 18 красавіка па 19 мая. Розныя выстаўкі і культурныя акцыі будуць арганізаваны не толькі ў Мінску, але і ў Брэсце, Гродне і Віцебску. Адкрые серыю культурных мерапрыемстваў прыезд у Беларусь вядомага ізраільскага пісьменніка Этгара Керэта.

Акрамя таго, некаторыя мерапрыемствы пройдуць у даволі незвычайным фармаце. Так, у адным з кафэ арганізуюць серыю лекцый аб Ізраілі. "Уваход будзе свабодны абсалютна для ўсіх жадаючых", - падкрэсліла дыпламат.