Падзеі

Новы кіраўнік дыпмісіі Казахстана ўручыў копіі даверчых грамат Алейніку

Фота МЗС

26 чэрвеня, Мінск /Кар. БЕЛТА/. Міністр замежных спраў Беларусі Сяргей Алейнік 26 чэрвеня сустрэўся з Надзвычайным і Паўнамоцным Паслом Казахстана ў Беларусі Цімурам Жаксылыкавым. Аб гэтым карэспандэнту БЕЛТА расказалі ў прэс-службе беларускага знешнепалітычнага ведамства.

Новы кіраўнік казахстанскай дыпмісіі ўручыў копіі даверчых грамат.

Субяседнікі абмяняліся думкамі аб стане і перспектывах развіцця беларуска-казахстанскіх адносін. Асаблівая ўвага ўдзелена ўмацаванню гандлёва-эканамічнага супрацоўніцтва, развіццю міжрэгіянальных сувязей, арганізацыі маючых адбыцца візітаў беларускіх і казахстанскіх дэлегацый, а таксама ўзаемадзеянню ў рамках міжнародных арганізацый.

Бакі пацвердзілі нацэленасць на далейшае развіццё адносін у духу стратэгічнага партнёрства паміж Беларуссю і Казахстанам.

Сяргей Алейнік пажадаў паслу поспехаў у дыпламатычнай рабоце.

версія для друку

зрабіць стартавай

дабавіць у выбранае