Падзеі
Індыйскі бок чакае візіту беларускай парламенцкай дэлегацыі на чале з Андрэйчанкам
4 чэрвеня, Мінск /Кар. БЕЛТА/. Індыйскі бок чакае візіту беларускай парламенцкай дэлегацыі на чале са старшынёй Палаты прадстаўнікоў Нацыянальнага сходу Уладзімірам Андрэйчанкам. Аб гэтым было заяўлена сёння на сустрэчы старшынь абедзвюх палат Нацыянальнага сходу Беларусі з Прэзідэнтам Індыі Пранабам Мукерджы, паведаміў карэспандэнту БЕЛТА намеснік старшыні Пастаяннай камісіі Палаты прадстаўнікоў па міжнародных справах Віталь Бусько.
"Прызнаны мэтазгодным абмен парламенцкімі дэлегацыямі ў бліжэйшы час. Прэзідэнт Індыі заявіў, што яны з нецярпеннем чакаюць парламенцкую дэлегацыю на чале са спікерам, каб абмеркаваць узнятыя на сённяшняй сустрэчы пытанні з удзелам дэпутацкага корпуса", - сказаў Віталь Бусько.
Таксама дэпутат звярнуў увагу, што сустрэча прайшла ў даволі шырокім фармаце. З беларускага боку ў ёй прымалі ўдзел не толькі прадстаўнікі абедзвюх палат парламента, але таксама віцэ-спікеры і іншыя парламентарыі. "Абмяркоўваліся пытанні эканамічнага, навукова-тэхнічнага супрацоўніцтва, прычым з канкрэтызацыяй па асобных галінах. Размова ішла аб кар'ернай тэхніцы, распрацоўцы новых матэрыялаў для сучаснай тэхнікі, аграпрамысловым комплексе, а таксама аб міжпарламенцкім супрацоўніцтве", - растлумачыў Віталь Бусько.
Акрамя таго, бакі канстатавалі наяўнасць добрых адносін, у тым ліку маецца на ўвазе стварэнне груп дружбы ў парламентах абедзвюх краін. "Дасягнута ўзаемная дамоўленасць аб ролі парламентарыяў у стварэнні камфортнай нарматыўна-прававой базы для супрацоўніцтва ва ўсіх названых раней сферах", - дадаў дэпутат.
версія для друку
зрабіць стартавай
дабавіць у выбранае