Падзеі

30 чэрвеня, Масква /Эдуард Півавар - БЕЛТА/. Пяты па ліку Форум рэгіёнаў Беларусі і Расіі пройдзе на беларускай тэрыторыі. Аб гэтым паведаміў сёння журналістам у Маскве старшыня Савета Рэспублікі Нацыянальнага сходу Беларусі Міхаіл Мясніковіч, перадае карэспандэнт БЕЛТА.

Дакладнае месца правядзення будучага форуму пакуль не вызначана. Аднак, як адзначыў Міхаіл Мясніковіч, арганізатары ўлічылі меркаванне рэгіёнаў, што гэта значнае і аўтарытэтнае мерапрыемства павінны прымаць не толькі сталіцы дзвюх краін.

Старшыня Савета Федэрацыі Расіі Валянціна Мацвіенка дадала, што ўжо "выстраілася чарга з суб'ектаў Федэрацыі на права прыняць у сябе наступныя Форумы рэгіёнаў Беларусі і Расіі".