Падзеі

7 красавіка, Мінск /Аліна Грышкевіч - БЕЛТА/. Намеснік міністра замежных спраў Туркменістана Бердыніяз Мятыеў у час візіту ў Мінск 6-9 красавіка абмяркоўвае пытанні пашырэння беларуска-туркменскага супрацоўніцтва. Аб гэтым паведаміў на брыфінгу начальнік упраўлення інфармацыі - прэс-сакратар МЗС Беларусі Дзмітрый Мірончык, перадае карэспандэнт БЕЛТА.

На 7 красавіка намечана сустрэча туркменскага госця з першым намеснікам міністра замежных спраў Беларусі Аляксандрам Міхневічам. Як плануецца, бакі абмяркуюць перспектывы пашырэння беларуска-туркменскіх адносін, у тым ліку гандлёва-эканамічнага, гуманітарнага супрацоўніцтва, а таксама пашырэнне дагаворна-прававой базы ў розных сферах узаемадзеяння.

У час візіту намеснік міністра замежных спраў Туркменістана сустрэнецца таксама з міністрам культуры Беларусі Барысам Святловым.