Падзеі

"Міжнароднае супрацоўніцтва па Чарнобылі захоўвае для Беларусі важнае значэнне. У маі 2015 года ў Мінску прадугледжана правядзенне экспертнага пасяджэння па міжнародным чарнобыльскім супрацоўніцтве з удзелам прадстаўнікоў пацярпелых краін і шэрага міжнародных арганізацый, у ходзе якога будзе дадзены старт распрацоўцы новай міжнароднай стратэгіі па Чарнобылі на перыяд пасля 2016 года", - адзначылі ў МЗС.

Акрамя таго, у міністэрстве адзначылі, што Беларуссю набыты ўнікальны вопыт у пытаннях забеспячэння радыяцыйнага кантролю і маніторынгу навакольнага асяроддзя, рэалізацыі ахоўных мер у сельскай і лясной гаспадарцы, сацыяльнага і медыцынскага забеспячэння пацярпелых раёнаў і іх рэальнага эканамічнага адраджэння. Гэты вопыт можна выкарыстоўваць у іншых надзвычайных сітуацыях па ўсім свеце. Ключавым прыярытэтам Беларусі ў сферы Чарнобыля з'яўляецца забеспячэнне ўстойлівага развіцця пацярпелых раёнаў і іх комплексная сацыяльна-эканамічная рэабілітацыя.

Аварыя на АЭС "Фукусіма", як лічаць у МЗС, зноў пацвердзіла важнасць забеспячэння ўстойлівага развіцця краін, што пацярпелі ў выніку тэхнагенных катастроф.

Таксама ў МЗС звярнулі ўвагу, што ў афіцыйнай заяве Генеральнага сакратара Арганізацыі Аб'яднаных Нацый, распаўсюджанай у сувязі з 29-й гадавінай аварыі на Чарнобыльскай АЭС, прапануецца распрацаваць стратэгію міжнароднага чарнобыльскага супрацоўніцтва на перыяд пасля 2016 года.