Падзеі

27 лютага, Мінск /Кар. БЕЛТА/. Беларускі бок прадоўжыць узаемадзеянне з ЕС у мэтах поўнай адмены санкцый. Аб гэтым гаворыцца ў каментарыі начальніка ўпраўлення інфармацыі - прэс-сакратара МЗС Беларусі Дзмітрыя Мірончыка ў сувязі з прадаўжэннем санкцый ЕС у дачыненні да Беларусі, паведамляе БЕЛТА.

"Мы з самага пачатку зыходзім з таго, што санкцыі несправядлівыя і контрпрадукцыйныя. Прадаўжэнне абмежаванняў у дачыненні да нашай краіны, якія засталіся, у выглядзе зброевага эмбарга і санкцый супраць чатырох фізічных асоб на чарговы год не адпавядае духу развіцця супрацоўніцтва паміж Рэспублікай Беларусь і Еўрапейскім саюзам", - сказаў Дзмітрый Мірончык.

Паводле слоў прэс-сакратара МЗС, разблакіраваўшы пастаўкі ў Беларусь рыштунку для біятлона, Еўрасаюз толькі часткова ўстараніў першапачатковую супярэчнасць ва ўласным рэжыме зброевага эмбарга. "Аднак існуючая зброевая забарона прадаўжае распаўсюджвацца на тавары, якія не маюць ніякага дачынення да заяўленых ЕС мэт, - звярнуў увагу ён. - Разлічваем, што за пазітыўным крокам Еўрасаюза па адмене часткі абмежаванняў, якія застаюцца, пойдуць больш рашучыя меры, якія канчаткова пакінуць у мінулым палітыку націску на Беларусь - адказнага партнёра і суседа Еўрапейскага саюза".