Падзеі

22 мая, Мінск /Міхаіл Маціеўскі - БЕЛТА/. Міністэрства замежных спраў Беларусі плануе заснаваць свой флаг і сцяг. Гэта пытанне было закранута сёння ў час назначэння Прэзідэнтам Беларусі Аляксандрам Лукашэнкам кіраўнікоў дыпламатычных прадстаўніцтваў, перадае карэспандэнт БЕЛТА.

"Не ведаю, падтрымаеце ці не, але мы прапанавалі, каб МЗС заснавала флаг і сцяг, як гэта ў некаторых іншых краінах", - звярнуўся да кіраўніка дзяржавы кіраўнік міністэрства Уладзімір Макей. Паводле яго слоў, адпаведныя дакументы ўзгоднены з іншымі дзяржорганамі і перададзены ў Адміністрацыю Прэзідэнта.

Аляксандр Лукашэнка адказаў, што калі многія беларускія ведамствы маюць сваю сімволіку, то можа яе заснаваць і Міністэрства замежных спраў.