Падзеі

МЗС аказала дапамогу ў вяртанні на радзіму больш як 6 390 беларусаў

Фота з архiва

8 красавіка, Мінск /Кар. БЕЛТА/. Міністэрства замежных спраў аказала дапамогу ў розных фарматах у вяртанні на радзіму ўжо больш як 6 390 беларусаў. Аб гэтым БЕЛТА паведамілі ў прэс-службе МЗС.

У прыватнасці, 7 красавіка з Польшчы вярнуліся на аўтобусах, арганізаваных пры садзейнічанні пасольства Беларусі ў гэтай краіне, 48 чалавек. Адна грамадзянка Беларусі вылецела з Алжыра пры падтрымцы расійскага боку. Пасольства Беларусі ў Расіі ў кантакце з расійскімі калегамі цяпер вырашае пытанне па арганізацыі яе транзіту на радзіму.

Пасольствамі Беларусі ў Сербіі і Венгрыі ў цесным кантакце з мясцовымі органамі ўлады забяспечана транспарціроўка і вылет на радзіму рэйсам Belavia - Belarusian Airlines 14 нашых суайчыннікаў з Сербіі праз Будапешт.

"Захоўваецца вастрыня сітуацыі з далёкімі краінамі, у прыватнасці з Індыяй, В'етнамам, Шры-Ланкой, Тайландам. Усе зацікаўленыя дзяржорганы прадаўжаюць работу па пошуку найбольш аптымальнага механізма і шляхоў аказання садзейнічання беларусам у названых краінах, - адзначылі ў МЗС. - Таксама ідзе ўзаемадзеянне з казахстанскімі калегамі па вывучэнні магчымасцей супрацоўніцтва пры эвакуацыі грамадзян дзвюх краін з рэгіёна Паўднёва-Усходняй Азіі".

МЗС таксама звярнула увагу, што ў Латвіі падоўжаны рэжым надзвычайнай сітуацыі да 12 мая. У Японіі да 6 мая ўведзена надзвычайнае становішча на тэрыторыі гарадоў Токіа і Осака, а таксама прэфектур Канагава, Сайтама, Хіёга, Чыба і Фукуока (без усталявання ў гарадах рэжыму каранціну).

версія для друку

зрабіць стартавай

дабавіць у выбранае