Падзеі

Так, Нацыянальны банк пачаў пераход да больш гібкага абменнага курса, узмоцнена грашова-крэдытная палітыка, канстатаваў Дэвід Хофман.

"Важна будзе давесці да канца гэтыя першапачатковыя крокі і ў далейшым рашуча ўзмацніць макраэканамічную палітыку, у тым ліку праз жорсткае кіраванне ўнутраным попытам у мэтах хуткага скарачэння існуючых унутраных і знешніх дысбалансаў", - сказаў кіраўнік місіі.

Акрамя таго, эксперты МВФ лічаць, што Нацбанку трэба завяршыць пераход да рэжыму свабодна плаваючага курса і ў поўнай меры ўкараніць рэжым таргетавання грашовай масы, які будзе нацэлены на зніжэнне інфляцыі да ўзроўню адназначных паказчыкаў.

Планавая місія Міжнароднага валютнага фонду працуе ў Беларусі з 5 сакавіка. Гэта рэгулярная штогадовая місія, у час якой праводзяцца кансультацыі па артыкуле IV, гэта значыць місія займаецца штогадовым аглядам развіцця эканомікі Беларусі, якія праводзяцца і з іншымі краінамі - членамі фонду.

Міжнародны валютны фонд - спецыялізаваная ўстанова ААН са штаб-кватэрай у Вашынгтоне (ЗША). Афіцыйная дата стварэння МВФ - 27 снежня 1945 года. Беларусь з'яўляецца членам МВФ з 1992 года. Дзейнасць МВФ у Беларусі накіравана на супрацоўніцтва з урадам і Нацыянальным банкам пры падрыхтоўцы праграм эканамічнай палітыкі з акцэнтам на падаткова-бюджэтную і грашова-крэдытную палітыку, абменны курс і гандлёвую палітыку з мэтай дасягнення значнага эканамічнага росту, нізкай інфляцыі і ўстойлівасці плацежнага балансу.