Падзеі

Міцкевіч прыме ўдзел у форумах народнай дыпламатыі і гарадоў-пабрацімаў ШАС у Цындаа

Фота з архiва

13 чэрвеня, Мінск /Кар. БЕЛТА/. Намеснік старшыні Палаты прадстаўнікоў, кіраўнік рабочай групы Нацыянальнага сходу Рэспублікі Беларусь па супрацоўніцтве з парламентам Кітайскай Народнай Рэспублікі Валерый Міцкевіч 15-16 чэрвеня прыме ўдзел у Форуме народнай дыпламатыі і Форуме гарадоў-пабрацімаў Шанхайскай арганізацыі супрацоўніцтва ў горадзе Цындаа (Кітайская Народная Рэспубліка). Аб гэтым БЕЛТА паведамілі ў прэс-службе Палаты прадстаўнікоў.

У ходзе мерапрыемства, накіраванага на садзейнічанне ўмацаванню партнёрскіх адносін паміж дзяржавамі ШАС, адбудуцца дыскусіі на тэму "Развіццё дружалюбнага супрацоўніцтва і ўмацаванне Шанхайскага духу", а таксама абмеркаванне пытанняў адукацыі, скарачэння беднасці і навукова-тэхнічнага ўзаемадзеяння.

На цырымоніі адкрыцця форуму выступіць намеснік старшыні Палаты прадстаўнікоў. Акрамя таго, у рамках візіту ў Кітайскую Народную Рэспубліку Валерый Міцкевіч наведае Міжнародную інвестыцыйную і гандлёвую выстаўку краін ШАС і прыме ўдзел ва ўрачыстай цырымоніі адкрыцця Нацыянальнага павільёна Рэспублікі Беларусь.

У ходзе мерапрыемства Валерый Міцкевіч таксама правядзе шэраг двухбаковых сустрэч.

версія для друку

зрабіць стартавай

дабавіць у выбранае