Падзеі

12 верасня, Мінск /Кар. БЕЛТА/. Місія МВФ наведае Беларусь у бліжэйшы час, паведаміў сёння журналістам першы намеснік старшыні праўлення Нацбанка Тарас Надольны, перадае карэспандэнт БЕЛТА.

"У бліжэйшы час мы чакаем прыбыцця ў Мінск Пітэра Долмана (кіраўнік місіі МВФ. - Заўвага БЕЛТА)", - сказаў Тарас Надольны. Пры гэтым ён не ўдакладніў дакладную дату візіту.

Адказваючы на пытанні журналістаў аб ходзе перагавораў з МВФ, Тарас Надольны адзначыў, што Пітэр Долман сам падзеліцца вынікамі, якіх Беларусь дасягнула з МВФ. "У прынцыпе, усё рухаецца ў пазітыўным рэчышчы, і ў нас нядрэнныя склаліся ўзроўні камунікацый з фондам", - сказаў ён.

Міжнародны валютны фонд - спецыялізаваная ўстанова ААН са штаб-кватэрай у Вашынгтоне (ЗША). Афіцыйная дата стварэння МВФ - 27 снежня 1945 года. Беларусь з'яўляецца членам МВФ з 1992 года, яе квота на пачатак 2013 года была роўная 386,4 млн СДР ($542,1 млн). Дзейнасць МВФ у Беларусі накіравана на супрацоўніцтва з урадам і Нацыянальным банкам пры падрыхтоўцы праграм эканамічнай палітыкі з акцэнтам на падаткова-бюджэтную і грашова-крэдытную палітыку, абменны курс і гандлёвую палітыку з мэтай дасягнення значнага эканамічнага росту, нізкай інфляцыі і ўстойлівасці плацежнага балансу. Як паведамлялася, Мінск абмяркоўвае магчымасць прыцягнення новага крэдыту МВФ на $3 млрд пад 2,28 працэнта тэрмінам на 10 гадоў.